Kishte nga ata fansa që shpresonin për një rikthim të mundshëm mes Chiara Ferragnit dhe Fedez, por kënga e re e reperit milanez ka shkatërruar çdo shpresë për një rikthim të mundshëm.
Fedez e vërtetoi se nuk mendon më ish-bashkëshorten e tij, edhe pse orët e fundit një postim i fshehtë në Instagram kishte ngjallur shpresa për një rikthim.
Në këngën e re të titulluar Di Caprio, e cila ende nuk është publikuar në YouTube ka rënë në sy një varg ku thuhet ‘Panetone, por nuk është Balocco”.
Me pak fjalë, rikthen në vëmendje skandalin e panetoneve, e cila jo vetëm preku bizneset e saj, por është edhe arsyeja e krizës martesore që çoi në ndarjen nga Fedez.
Skandali lindi për shkak të një bashkëpunimi mes blogeres italiane me kompaninë Balocco. Bëhej fjala për një panettone, që sigurisht do mbante emrin e Chiaras sipër dhe kushtonte 9 Euro, ndërkohë që çmimi normal për një ëmbëlsirë të llojit të tillë është shumë më pak.
Qëllimi për këtë rritje çmimi ishte që të ardhurat e marra nga shitja e këtij produkti të shkonin për bamirësi në një spital fëmijësh, por kjo nuk ndodhi.
Ndërkohë, për Fedez është hera e parë që ai flet për ish-bashkëshorten në tekstet e këngëve të tij. Në rastin e hitit “Sexy Shop” reperi fliste për historinë e tyre të dashurisë me Chiarën.
Mbetet për t’u parë nëse Chiara Ferragni, do t’i përgjigjet ish-partnerit apo do ta lërë Fedez të vazhdojë rrugën e tij duke e injoruar, të paktën publikisht pasi ata nuk mund ta shmangin dot njëri-tjetrin për shkak të dy fëmijëve të tyre.