Laçi-Bylis nuk prodhon fitues sfida për javën e tretë të Superligës

S’ka fitues sfida mes Laçit dhe Bylisit, e vlefshme për javën e tretë të Superligës. Takimi u mbyll në një barazim pa gola, me dy ekipet që krijuan shumë pak për të gjetur golin. Ishte një ndeshje e qetë, me Laçin dhe Bylisin, që më shumë u kujdesën të mos pësojnë. Kurbinasit vazhdojnë të mos njohin ende fitore, teksa pas tre javëve numërojnë dy barazime dhe një humbje. Në krahun tjetër, ky është barazimi i parë për Bylisin, që më parë kishte marrë një fitore ndaj Dinamos dhe një humbje ndaj Teutës.