8 muaj para zgjedhje të përgjithshme parlamentare, qeveria Rama ka hapur “thesin” e parave duke i akorduar fondin që i duhen KQZ, ku ky institucion është ulur të shkruajë rregullat që mundësojnë realizimin e votës së emigrantëve. Për ngritjen e sistemit elektronik në aktin normativ të buxhetit të shtetit, i cili është dërguar për miratim në Kuvend, parashikohet një mbështetje financiare prej 250 milion lekësh për ngritjen e platformës.
Grupi i punës i ngritur në Komisionin Qendror të Zgjedhjeve ka gati 20 aktet nënligjore, të cilat pritet ti dërgohen për miratim shume shpejt Komisionit Rregullator. 10 shtatori përcaktohet si afati i fundit për miratimin e rregullave për regjistrimin e emigrantëve dhe përgatitjen e listës së zgjedhësve nga jashtë.
Sipas TCH, 1 Marsi i 2025 është limiti i afatit për miratimin e fletës së votimit e cila pritet tu shkojë përmes shërbimit postar emigrantëve të cilët kane shprehur dëshirën për të marrë pjesë në zgjedhjet e pranverës. Regjistrimi i tyre do të hapet katër muaj para datës së zgjedhjeve të dekretuar në Shqipëri dhe u lihet 60 ditë kohë për ta përmbyllur këtë proces.