Fredi Bejleri nuk është lejuar të kandidojë si i pavarur për kryetar të bashkisë së Himarës, ndërkohë që akuzohet për masakrën e Peshkëpisë.
Në vendimin e KQZ-së thuhet se: “Për verifikimin e deklarimeve në formularin e vetëdeklarimit të kandidatit për Kryetar në Bashkinë Himarë, z. Dhionisios Alfred Petro Beleri, i pavarur, në zbatim të ligjit nr.138/2015 “Për garantimin e integritetit të personave që zgjidhen, emërohen ose ushtrojnë funksione publik”. KQZ vendosi të refuzojë kandidaturën e z. Dhionisios Alfred Petro Beleri, kandidat i pavarur për kryetar të Bashkisë Himarë, për zgjedhjet për organet e qeverisjes vendore, të datës 30 qershor 2019”.
Lexo edhe- Autori i masakrës së Peshkëpisë kandidoi për kryetar bashkie në Himarë
Por nuk ka munguar as reagimi i Athinës zyrtare. Në një deklaratë në faqen e ministrisë së Jashtme greke thuhet se vendimi nuk ka bazë ligjore.
“Po ndjekim me interes të veçantë vendimin e KQZ të Shqipërisë, i përbërë nga përfaqësues të partive shqiptare, për të hedhur poshtë kandidaturën e z. Bejleri për kryetar të bashkisë në zgjedhjet e ardhshme lokale. Sipas asaj që është bërë e njohur deri tani, ky vendim nuk ka bazë ligjore. Ne po ndjekim zhvillimet dhe jemi gati të ndihmojmë përfaqësuesit e pakicës”, thuhet në njoftimin e MEPJ së Greqisë.
