Marrëdhëniet mes shteteve mund të jenë të vështira e ndoshta të tensionuara, por kur vjen puna te muzika, ajo nuk njeh shtet e shkrin akujt mes popujve. Një gjë të tillë e tregoi edhe Jonida Maliqi sot në Izrael. Kënga e Jonida Maliqit në ‘Eurovision’ u vlerësua si një nga më të mirat, jo vetëm performanca e saj, por edhe mënyra se si kishte vendosur të paraqitej në festival tërhoqi shumë vëmendjen e kritikëve.
Por ajo që bie në sy është se falë performancës së saj fantastike, ia ka dalë që të rrëmbejë edhe zemrat e serbëve, të cilët në rrjete sociale kanë vlerësuar maksimalisht këngëtaren shqiptare.
