Arkeologët e Drejtorisë së Shërbimit Arkeologjik kanë bërë një zbulim të jashtëzakonshëm, pasi zbuluan një varrezë historike të periudhës helenistike në Shënmri. Kryeministri Edi Rama, thotë se ky zbulim i shton vlera të jashtëzakonshme trashëgimisë kulturore.
“Një zbulim i jashtëzakonshëm arkeologjik ka dalë në dritë në Shënmri të Tiranës, ku arkeologët e Drejtorisë së Shërbimit Arkeologjik zbuluan një varrezë historike të periudhës helenistike dhe mesjetare.
Ky zbulim dëshmi e historisë dhe jetës së banorëve të lashtë të kësaj zone shënon për herë të parë edhe gjetjet e kulturës arbërore në zonën e Tiranës, duke i shtuar vlera të jashtëzakonshme trashëgimisë kulturore të kryeqytetit, por njëkohësisht edhe turizmit historik e kulturor të vendit tonë”, shkruan ai.