Mësohet se shumica e antarëve të Kryesisë së PD-së kanë mbështetur Sekretarin e Përgjithshëm Flamur Noka për zhvillimin e protestave në të gjithë vendin.
Burime pranë selisë blu bëjnë me dije se edhe deputetët Ina Zhupa e Agron Gjekmarkaj janë për radikalizimin e reagimit opozitar.
Ina Zhupa: Protesta të pandalshme dhe të qëndrueshme janë domosdoshmëri. Nuk protestojmë as për Salianjin, as për Sali Berishën, por për çdo qytetar që sot është më i frikësuar se kurrë. Frika mban diktaturat në këmbë dhe sot po mbillet frika te shqiptareve dhe ne kemi mision historik që ta vrasim frikën e qytetarëve, të jemi në krye të revoltës. Këto fabrikime të tmerrshme, të ngjashme me të Enver Hoxhës janë thika mbi kokat e cdo shqiptari. Deputetët në ballë, në parlament, në rrugë. Ky dënim sot duke krijuar precedentin e parë në vend me burg për kallëzim të rremë tregon qartësisht arrogancën e pushtetit. Arroganca do përballje, do vendosmëri, do qëndresë pa kthim. Skemi ce duam karrigen po nuk mbrojtëm kushtetutën, të drejtat themelore të qytetarëve. Sot mesazhet kanë qëne pafund nga qytetarët, nuk duhet llogarisim shifrat që do jenë në protestën e parë e a të dytë por duhet llogarisimin të jemi të parët në betejë dhe qytetarët do na bashkohen. Kjo shkon edhe me vendimin tonë politik për një qeveri teknike.
Agron Gjekmarkaj: Të bëjmë dicka simbolike që nesër, sepse po ti bëhej PS kjo gjë kur ishte në opozitë do kishte reaguar gjithë faktori ndërkombëtar. Ne jemi ende shumë të vakët me ndërkombëtaret. Më shumë se protestë Ramës i dhemb kur reagojnë gazetat, shtypi, ndërkombëtarët. Ndaj ta përdorim edhe këtë formë të rëndësishme. Duhet ta bëjmë një përpjekje të madhe me ndërkombëtarët se denimi politik dmth qe nuk funksionon as kjo drejtesia e re.