Bashkia e Devollit është e famshme për prodhimin e mollëve. Por fermerët e kësaj zone kërkojnë më shumë mbështetje nga shteti dhe kryetari i bashkisë Eduard Duro pranon se bujqësia e blegtoria kanë nevojë për shumë subvencione.
“Fermerët dhe blegtorët kanë nevojë për subvencione nga qeveria shqiptare. Nga bisedat që kemi bërë me fermerët dhe blegtorët e bashkisë gjithmonë ka dalë problemi i subvencionit në prodhim,” sqaroi në emisionin “Vendi Im” kryetari i bashkisë së Devollit, Eduard Duro.
Fermerët e zonës së Devollit janë ankuar gjatë këtin viti se produktet bujqësore e blegtorale si gruri, qumështi apo mollët kanë mbetur pa shitur ose shiten nën kosto, duke sjelle humbje për ta. Ata protestuan këtë vit edhe me traktorë, duke kërkuar mbështetje nga Qeveria me subvencione dhe barazim të TVSH-së për produktet bujqësore.