Këtë të enjte kryeministri Edi Rama është operuar në QSUT, dhe i ka besuar të njëjtit grup mjekësh, të drejtuar nga rektori i Universitetit të Mjekësisë, Arben Gjata. Pjesë e ekipit të mjekëve ishte edhe profesor Arben Beqiri i cili në 2017 për disa muaj drejtoi Ministrinë e Shëndetësisë, si ministër teknik në atë që u quajt si qeveria teknike, pas marrëveshjes Rama-Basha pak përpara zgjedhjeve parlamentare.
E ndërsa në prill, Rama iu nënshtrua operacionit për heqjen e apendicitit, ditën e sotme Rama iu nënshtrua një ndërhyrjeje kirurgjikale për hernien inguinale. Operacioni i sotëm ka zgjatur rreth 100 minuta, ndërsa ekipi që ka bërë ndërhyrjen në të dy rastet është i përbërë nga i njëjti grup mjekësh, ndër më të njohurit në QSUT.
Stafi i mjekëve të QSUT që kanë realizuar ndërhyrjen kirurgjikale ndaj kryeministrit në të dyja rastet janë: Profesor Arben Gjata, shefi i kirurgjisë dhe rektori i Universitetit të Mjekësisë; profesor Krenar Lila, shefi i anestezi-reanimacionit; profesor Arben Beqiri, krirurg; asistent-profesor Saimir Kuçi anestezist dhe doktor Dritan Rahovica, kirurg.
Ekipi i mjekëve që operoi Ramën, në të dyja ndërhyrjet kirurgjikale:
Arben Gjata
Arben Beqiri
Krenar Lila
Dritan Rahovica
Saimir Kuçi