Opozita ka inicuar dhe po realizon një demostrim në qytetin e Tiranës me mijëra protestues, të ardhur edhe nga rrethet e tjera të vendit, të cilët e kanë nisur këtë veprimtari që nga ora 18.00 dhe vazhdojnë duke u zhvendosur në qendra të ndryshme të Tiranës me një intensitet të shoqëruar me molotovë, flakë e tym.
Për të folur se çfarë synon kjo protestë dhe se çfarë do të ndodh më tej, është i ftuar në një program televiziv, avokati Indrit Sefa.
“Kjo është e njëjta Parti Demokratike kur drejtohej nga Lulzim Basha, pa Lulzim Bashën, po me njerëzit e Lulzim Bashës. Janë të njëjtët njerëz që drejtonin Partinë Demokratike kur Lulzim Basha ishte kryetar, bënin të njëjtat veprime, bënin të njëjtin model proteste, kishin të njëjtin rezultat. Pse e kanë sharë 2 vite Lulzim Bashën. Nuk paska qenë ai problemi pra. Ose këta nuk kanë ide ose nuk dinë të bëjnë të ndryshojnë nga koncepti i të bërit politikë, ose ta sjellin PD në kohët ku ajo duhet të jetë”, tha Sefa.