Kryeministri Edi Rama ndodhet në Dubrovnik, Kroaci ku merr pjesë në Samitin “Ukraina-Europa Juglindore”. Rama ka postuar foto nga takimi me kryeministrin e Kroacisë, Andrej Plenkoviç, presidentin e Ukrainës, Volodymyr Zelensky, si dhe liderët e tjerë të shteteve pjesëmarrëse në samit, ndër to edhe presidentja e Kosovës, Vjosa Osmani. Në samit marrin pjesë zyrtarë të lartë nga 12 vende të rajonit, përfshirë tre presidentë, pesë kryeministra dhe katër ministra të Jashtëm.
