Në qendër të qytetit francez të Grenoble, një furgon i blinduar është sulmuar teksa po largohej nga Banka e Francës me një milion euro, raportojnë mediat franceze.
“Një sulm i armatosur ndaj një furgoni të blinduar ka ndodhur mëngjesin e sotëm pas orës 10:00 në cep të rrugëve Cour-Berry dhe Jean-Jaure”, njoftoi prefektura e Isère në platformën “X”.
Ndërsa furgoni po dilte nga banka, dy automjete e bllokuan atë, raportoi BFM TV, duke cituar një burim nga policia, dhe u dëgjuan të shtëna.
Të dyshuarit ishin të armatosur me armë automatike.
Agjentët e kompanisë së transportit të parave u përgjigjën me armë zjarri, duke plagosur një nga të dyshuarit, tha një burim i afërt me hetimin për BFM TV.
Të dyshuarit u larguan me një automjet pas sulmit.
Dy persona janë plagosur nga të shtënat, por nuk ka viktima, sipas prokurorisë së Grenoble.