Vegël të Edi Ramës e cilëson Sali Berisha formacionin më të ri politik të krijuar nga ish-zyrtarë të lartë të Partisë Demokratike, Djathtas 1912, që në krye ka Enkeljd Alibeajn.
Në një konferencë për mediat, teksa u pyet nëse do të bashkonte votat me këtë forcë politike për të zgjedhur emrin e kryeministrit, nëse opozita fiton zgjedhjet, Berisha pohoi se ky formacion i ri është përpjekja e radhës e Ramës për të caktuar liderin e opozitës.
“Së pari njëherë për Tao Tao partitë, siç është kjo e fundit që përmende ti, e kupton vetë qëndrimin e Sali Berishës. Së dyti, për bizat antiopozitë të Edi Ramës është i njëjti qëndrim. Ata të cilët mendojnë se duhet të përcaktojnë kryeministrin e Shqipërisë, jashtë vullnetit të zgjedhësve shqiptarë, ata janë në një variant, talebanët e politikës, janë fondamentalist, janë vegla të Edi Ramës dhe mund tu vesh shumë epitete”, tha Berisha.