Vota, lehtësi për pajisjen me mjete identifikimi të shqiptarëve në Greqi

Për procesin zgjedhor 2025, Ministria e Brendshme do të asistojë diasporën shqiptare në Greqi. Ministria konfirmoi se në datat 12-13 nëntor përfaqësues të shoqërisë “IdentiTek”, që siguron shërbimet e identifikimit biometrik, do të vizitojnë ambasadën shqiptare në Athinë. Kjo vizitë synon rritjen e kapaciteteve operacionale dhe lehtësimin e procesit të aplikimit të shtetasve shqiptarë për mjete identifikimi. Ministria e Brendshme u bën apel qytetarëve shqiptarë jashtë vendit që të sigurohen që dokumentet e identifikimit të jenë të vlefshme për votim.