Pas përfundimit të shqyrtimit të dokumentacionit dhe intervistës së kandidatëve të cilët kanë aplikuar për pozicionin “Drejtor i Drejtorisë Vendore” në Policinë e Shtetit, vendosi të shpallë listën e pikëve të fituara nga secili kandidat gjatë procesit të konkurrimit.
Komisioni i Vlerësimit të Aplikimeve për përzgjedhjen e kandidatëve ishte i përbërë nga 3 drejtues të lartë të Policisë së Shtetit, kryesuesi Neritan Nallbati, që aktualisht mban postin e drejtorit të policisë kriminale dhe 2 anëtarët, Saimir Boshnjaku e Pëllumb Seferi.
Ndërkohë, konkurrentët Artur Shira, Dritan Malaj dhe Lorenc Shehu nuk u paraqitën në fazën e intervistës.
Sakaq, Policia e Shtetit njofton se konkurrentët kanë të drejtën e ankimimit brenda 2 ditësh nga momenti i publikimit në faqen zyrtare të Policisë së Shtetit të vendimit me vlerësimin përfundimtar të secilit.
