4 orë në SPAK, Haxhinasto: U thirra për disa çështje

Ish-ministri i ish-LSI-së Edmond Haxhinasto doli nga ambientet e SPAK-ut, pas qëndrimit për 4 orë. Për gazetarët u shpreh se është thirrur për disa çështje. ”Jam thirrur për disa çështje”, ka thënë ai. Haxhinasto ka mbajtur pozicionet e Sekretarit për Marrëdhënie Ndërkombëtare, kryetarit të Komitetit Drejtues si dhe zv.kryetarit të LSI. Në qeverinë e koalicionit PD-LSI gjatë viteve 2009-2013, Haxhinasto ka mbajtur postet e ministrit të Transporteve, ministrit të Jashtëm dhe ministrit të Ekonomisë, Tregtisë dhe Energjisë.