Seanca e sotme plenare është shoqëruar me debate mes opozitës dhe mazhorancës dhe shkak është bërë përfundimi i afatit të Komisionit hetimor të Shëndetësisë për sterilizimin dhe Check up-in. Opozita kërkon shtyrjen e afatit, kërkesë e refuzuar nga mazhoranca.
Deputeti demokrat Saimir Korreshi kërkoi me humor që kryetarja e Kuvendit, Elisa Spiropali të thërrasë në hetimorin e shëndetësisë kryeministrin Edi Rama që të dëshmojë.
Saimir Korreshi: E bëtë pazar mbrëmë. Unë i shkreti thashë se na nisën ne me pushime. Kam një mandat që se kam parë Kryeministrin. Aman të marrim një çik eksperiencë si të vijmë në pushtet. Vilma fukareshë, 1.7 milionë Euro mori divident të na mësojë si kalohet nga duhani tek Check Up. Të falenderoj që na nise me pushime, mirë është që ta shtysh pak edhe komisionin edhe ca ditë. Një lutje nga një opozitar i thjeshtë, fshatar nga Lushnja, 40 ditë që na le atje, sikur ta shtysh nuk bën keq.