Nga Haga ku delegacioni shqiptar po zhvillon takime me qëllim bindjen e Holandës të votojë pro për hapjen e negociatave për vendin tonë, kreu i Grupit Parlamentar të Partisë Socialiste Taulant Balla tha se zgjedhjet do të zhvillohen duke iu përgjigjur kryedemokratit Basha i cili po përgatitet për protesa dhe për pengimin e zgjedhjeve.
“Mua më vjen keq që imazhet e publikuara në media i bëjnë dëm imazhit të Shqipërisë dhe trembin turistët që u rritën ndjeshëm gjatë vitit të fundit. Pavarësisht përpjekjeve të dështuara të opozitës, Shqipëria do e kthejë 2019 në vitin e hapjes së negociatave.”- tha Balla.