Kreu i SPAK, Altin Dumani hedh poshtë akuzat se hetimet kanë axhendë politike.
“Pavarësisht akuzave, kemi dhënë prova se nuk kemi axhendë politike, nuk mbajmë grafikë se ndaj kujt ushtrojmë ndjekje penale. Për ne është e rëndësishme prova. Në momentin që gjatë hetimit krijohen prova nuk ka rëndësi emri por prova. Këtë ka bërë SPAK e do të vijojë ta bëjë” pohoi Dumani gjatë një interviste për RTSh.
Ai thekson se prokurorët flasin me punë, jo me fjalë.
“Mënyra më e mirë e komunikimit është puna e prokurorit. Puna jonë flet vetë.”