Prej dy ditësh vijon zjarri në fushën e vendgrumbullimit të mbeturinave pjesë e lagjes “24 Maji” në Vlorë. Një vatër aktive, e cila ka qënë edhe përgjatë se premtes në mbrëmje në përmasa të mëdha. Lagja “24 Maji”, një prej zonave më të banuara të Vlorës, është zgjuar sot mes tymit kancerogjen.
Zjarrvënia dyshohet të jetë e qëllimshme. Strukturat e bashkisë Vlorë, emergjencat civile dhe forcat zjarrfikëse janë në terren për përballimin e situatës. Po mundohen të fikin vatrat aktive të zjarrit duke i hedhur dhe.
Banorët të shqetësuar shprehen se ky është një problem i madh që i shoqëron prej vitesh. Një banor thotë se përballen çdo ditë me erën e rëndë të mbetjeve.
“Ka që dje. Tym ka, pastërtia këtu është skandal. Këtu jo tymi, por vjen aroma e mbeturinave. Ne bllokohemi. Ka vite që hidhen mbetjet. Është problem i madh, se kuptoj ca po bëjnë, se këta i patën për të hequr dhe nuk i hoqën. Ti çojnë në një zonë atje që këtu nuk ka popullatë”, thotë banori.