Babai i 14-vjeçarit Luis Meçja ka treguar një detaj tjetër në lidhje me ngjarjen tragjike të së hënës ku mbeti i vrarë Martin Cani si dhe i plagosur rëndë i biri.
Për herë të parë tregon se si nisi sherri mes dy të miturve në ambientet e shkollës “Fan Noli”. Sipas tij sherri mes Martinin dhe Mario Përlleshaj, autori i dyshuar i vrasjes nisi pasi ky i fundit e ofendoi Martinin për të vëllain.
“Sherri ka ardhur për shkak të vllait të Martinit, personi që e ka goditur me thikë e ka ofenduar e më pas Martini është ndjerë shumë keq dhe ka reaguar. Nuk ka të bëjë as me çështje vajzash, as TikTok as Snapchat.”
Ai shton se Luisi i ka dëshmuar në polici të gjitha, si dhe faktin se dy djemtë janë goditur me thikë nga dy persona, edhe nga Kledjon Begaj, një tjetër 14-vjeçar.
“Ka dëshmuar Luisi dhe e njeh djalin, ai është goditur edhe tek syri. Emri i djalit të dytë më bën përshtypje sepse nuk është qarkulluar në media. Djali i dytë ka pasur thikën më të vogël se ajo që ka dalë në internet dhe ka goditur djalin nga mbrapa.
Kur kanë ardhur djemtë i kanë pyetur ku ka lule, të njëjtën që ne e përdorim për personat që i çojnë në varreza. Unë po kthehesha nga puna kur e mora vesh. Më tha Martini vdiq. Ishte shokuese, isha shumë i lidhur me fëmijët. Miku im që pret ngushëllime, më tha skam më lot”.