Në ditën ndërkombëtare për ndërgjegjësimin kundër dhunës ndaj grave dhe vajzave e ngarkuara me punë e SHBA në Tiranë, Nancy VanHorn i kërkoi Policisë së Shtetit që të sigurohet që urdhrat e mbrojtjes ndaj kësaj kategorie të shoqërisë të zbatohen, për një të ardhme më të sigurt për to. Diplomatja amerikane ishte e pranishme në konferencë organizuar me rastin e kësaj dite ku i pranishëm ishte edhe ministri i Brendshëm Ervin Hoxha.
”Në kuadër të ndihmës së SHBA po rritet standardet kundër diskriminimit. Kjo është e rëndësishme dhe këtu po e shoh me kujdes është shumë e rëndësishme që të ketë plane ku ka punë konsistente. Planet duhet të jenë më shumë se në letër. Çdo zyrtar nga Policia duhet të sigurohet që urdhrat e mbrojtjes të zbatohen. SHBA mbetet partneri i juaj për të ndërtuar një të ardhme më të sigurt për gratë komunitetin dhe botën”,-tha VanHorn.
Nga ana tjetër, VanHorn ritheksoi mbështetjen e SHBA-ve në politikat sociale dhe mbështetëse ndaj grave të dhunuara, ndërsa koordinimi i programeve sociale mbetet një element kyç në këtë çështje. ”Ambasada Amerikane është krenare të mbështesë fazën fillestare të planit të zbatimit 2023-2025 dhe dua të theksoj disa mënyra që ne po afrojmë këtë ndihmë. Po ofrojmë ndërtim kapacitetesh, rritje të ndërgjegjësimit, një manual trajnimi si dhe një program kombëtar shkëmbimi për bashkitë, në mënyrë që ata të mësojnë praktikat më të mira. Po e mbështesim në mënyra konkrete.
Po ndihmojmë nënat, vajzat adoleshente po mësojnë për sulmet ‘fishing’ ku duket se më shumë se 5000 gra po marrin kujdesin për të cilën kanë nevojë në strehat në mbarë vendin. Dua edhe të flas për atë se çfarë po bëjmë sa i përket partneritetit. Po ndahen procese për përzgjedhje me barazi gjinore dhe gjithashtu po zbaton një program koordinimi”.