Këtë të martë, PD me partitë aleate, do të vijojnë mosbindjen civile në disa nga akset kryesore të Tiranës. Për këtë Policia e qarkut të Vlorës ka dalë në kontrolle për automjetet në hyrje të autostradës Levan-Vlorë.
Këto kontrolle kanë në fokus pikërisht mjetet që nisen drejt Kryeqytetit në organizimin e partive opozitare. Në këtë aksion po kontrollohen automjetet për posedimin e sendeve të kundraligjshme të cilat mund të përdoren në protestën e opozitës.
Pjesë e kontrolleve janë edhe drejtuesit e këtyre mjeteve. Drejtuesve ju kërkohet leja e drejtimit për të parë nëse kemi të bëjme me persona që mund të kenë probleme me ligjin. Ata i nënshtrohen, nëse ka dyshime edhe testeve të alkolit. Mjetet janë ato të cilat kontrollohen më tepër në mënyrë rigoroze.