Derbi i kryeqytetit mes Tiranës dhe Partizanit ndez si gjithmonë kryeqytetin, me tifozeritë e dy ekipeve që nuk kursehen të mbështetin të zëshme të dy ekipet.
Edhe sot, ndonëse interesimi ka qenë me i vogël se sa në derbit e kaluar, të dy ekipet do të kenë mbështetje të fortë në shkallët e stadiumit “Arena Kombëtare”.
Ultrasit e dy skuadrave kanë qenë të parët që janë pozicionuar në tribunat përkatëse për këtë duel, ndërsa jashtë nuk mungojnë as radhët e gjata të tifozëve të tjerë që duan të ndjekin këtë ndeshje.
Gjithçka me një prani të lartë të forcave të rendit, të cilat duan të shmangin përplasjet të cilat nuk kanë munguar në të kaluarën në ndeshje të tilla.
