Vlora ka çelur zyrtarisht atmosferën festive të fundvitit me ndezjen e dritave të pemës së Vitit të Ri. Mrëmjen e kësaj të diele, 1 dhjetor, festa u mbajt në “Parkun e Pavarësisë” në Skelë.
Festa mblodhi qindra fëmijë dhe qytetarë, të cilët morën pjesë në këtë moment të veçantë.
Dritat e pemës u ndezën nga kryetari i Bashkisë së Vlorës, Ermal Dredha, i rrethuar mes fëmijëve të qytetit. Parku festiv i zbukuruar me ndriçime të veçanta, por jo vetëm, edhe përgatitjet e shumta kanë bërë që atmosfera festive të ndihet në çdo cep të Vlorës.