Hetues të Byrosë Kombëtare të Hetimit kanë shkuar mëngjesin e sotëm në shtëpinë e kryebashkiakut të Tiranës, Erion Veliaj për kontroll banese. Ndërkaq, mediat raportojnë se është bërë këqyrja e banesës dhe është sekuestruar telefoni i bashkëshortes së tij Ajola Xoxa.
Kryebashkiaku Veliaj ndodhet ndërkohë për një vizitë dy ditore në Hamburg, ku siç ka njoftuar zyra e tij e shtypit, ka zhvilluar takime me Kryebashkiakun e Parë të Hamburgut, Peter Tschentscher dhe Presidenten e Parlamentit të Hamburgut, Carola Veit.
Burimet bëjnë të ditur se në shtëpinë e kryebashkiakut në momentin që kanë shkuar hetuesit e BKH-së kanë qenë bashkëshortja e tij dhe djali i mitur.
Ndërkohë, mediat raportojnë gjithashtu se hetuesit e BKH kanë ushtruar kontroll dhe në banesën e vëllait të Veliajt dhe gjitjashtu në Bashkinë e Tiranës.
SPAK nuk ka dalë ende me një njoftim zyrtar.