Këshilli i Ministrave të Republikës së Shqipërisë dhe kryeministri Edi Rama, gjatë ditës së sotme kanë miratuar Vendimin e Këshillit të Ministrave për regjistrimin e pasurive.
Vendimi bën të mundur: ‘PËRCAKTIMIN E RREGULLAVE TË BASHKËRENDIMIT TË PUNËS SË BASHKIVE ME AGJENCINË SHTETËRORE TË KADASTRËS, REGJISTRIMIN E TROJEVE TË DHËNA PËR NDËRTIM NGA NJËSITË E QEVERISJES VENDORE DHE RREGULLIMIN E MARREDHENIEVE JURIDIKE TË PRONËSISË MBI KËTO TROJE PËR EFEKT REGJISTRIMI’.
Me hyrjen në fuqi të këtij vendimi, çdo qytetar do të ketë mundësinë të regjistrojë dhe të gëzojë e trashëgojë truallin apo banesën.
Ky vendim i jep zgjidhje përpjekjeve shumëvjeçare për regjistrimin e trojeve të dhëna nga këshillat e bashkive, ish-komunave apo këshillat e qarqeve, për strehimin e qytetarëve.
Lajmin të ditur e ka bërë deputeti i Partisë Socialiste, Alket Hyseni përmes një statusi në ‘Facebook’, duke e quajtur këtë një premtim të mbajtur nga qeveria përpara zgjedhjeve të 30 qershorit.