Gjykata e Tiranës regjistroi sot Sali Berishën si kryetar të Partisë Demokratike, i shpallur non grata nga SHBA e Britania e Madhe. Analisti Platon Nesturi thotë se Berishës nuk ka shanse që t’i hiqet non grata.
Sipas tij, non grata është një goditje e rëndë, jo vetëm ndaj Berishës si individ. Sa i takon vendimit të Apelit për të mos pranuar ankimin e Berishës për non gratën, Nesturi thotë se është një dëshmi që Britania e Madhe nuk do ndryshojë qëndrim, por edhe një mbështetje për SPAK.
“Në të gjitha rastet kryetari i partisë është imazhi kryesor, edhe partia në vetvete si subjekt politik ngrihet apo hijezohet nga figura apo problematika që mund të ketë kryetari. Në këtë kuadër shoh edhe çështjen e non gratës. Për mua është goditje e ashpër, jo thjesht ndaj individit Berisha. Nuk besoj se hiqet non grata, por nga ana e Britanisë është një përgjigje që dëshmon se në këtë aspekt ne nuk ndryshojmë edhe pse ke nisur lobimin tënd, pra qëndrimi ynë është i pandryshueshëm dhe së dyti duke përcaktuar çështjen non grata është edhe një tregues i mbështetjes së SPAK”, tha Nesturi.