Bitcoin ka arritur një shifër rekord, duke vazhduar ritmin rritës që ka parë çmimin e kriptomonedhës të rritet me më shumë se 50% që nga fitorja e Donald Trump në zgjedhjet e 5 nëntorit.
Kriptomonedha më e madhe në botë kaloi për pak kohë 106.000 dollarë, përpara se të binte në rreth 105.000 dollarë të hënën.
Administrata e ardhshme e Trump është shumë më miqësore ndaj kriptomonedhave sesa Shtëpia e Bardhë e Biden. Të enjten, presidenti i zgjedhur i SHBA-së përsëriti se po konsideron krijimin e një grumbullim kombëtar të monedhës dixhitale, të ngjashme me rezervën strategjike të naftës të vendit.
“Rritja e Bitcoin që nga zgjedhjet ka qenë parabolik dhe lëvizja e “fear of missing out” po merr vrull. Shumë investitorë besojnë se 120,000 dollarë mund të arrihen deri në fund të vitit dhe më pas në 2025 flitet për më shumë se 150,000 dollarë deri në mes të vitit”, tha Peter McGuire nga platforma tregtare XM.com për BBC.