Sot në një mujorin e vrasjes së Martin Canit, u mbajt një protestë. Në fjalën e saj, mamaja e Martinit, ka kërkuar dorëheqjen e të gjithë atyre që nuk mbrojtën dot vogëlushin e saj. Prindërit e Martinit kërkuan dorëhqjen e ministres së Arsimit, Ogerta Manastirliut, drejtoreshës së shkollës “Fan Noli” dhe të mësueses kujdestare të klasës së djalit të tyre.
”Kam rritur e edukuar një fëmijë, kam punuar vetë në arsim, e kam rritur me vuajtje, por ma morën, ja morën ëndrrat, me morën jetën e shpresat. Kërkoj të japin dorëheqjen ata që nuk e mbrojtën Martinin, që nga dera e shkollës e deri tek ministrja dhe Rama.
Martini ishte një fëmijë i buzëqeshur, e kam çdo moment në sy! Kishte ëndrra të mëdha. Dua dorëheqjen e ministres, drejtoresha e shkollës, mësuesja kujdestare që nuk më tha asnjë fjalë. Ku ishte ajo mësuese që më thoshte në mbledhje që Martini ishte fëmijë shembullor, mblidhte shokët dhe i bënte të buzëqeshnin.
Turp të të vijë Ogerta Manastirliu! Nuk erdhe të thoshe as ngushëllime. Lërini ato karrige sepse nuk vlejnë më shumë se gjaku i një fëmije”.