Nga 61 bashki që ka vendi, vetem 6 drejtohen nga përfaqësues të PD. Në emisionin “Vendi Im”, ministri Arbjan Mazniku shpjegon se bashkëpunimi mes qeverisë dhe drejtuesve vendorë të opozitës është i mirë dhe bindjet partiake nuk ndikojnë.
“Unë kam një bashkëpunim shumë të mirë me të 6 kryetarët. Kemi një komunikim të rregullt javor, çdo ditë nëse atyre iu duhet.
Ç’është e vërteta ata kanë tentuar të bëjnë një punë të mirë për qytetet respektive dhe padyshim nga këndvështrimi i qeverisë i kanë pasur dyert e hapura për t’u mbështetur në mënyrë sistematike njësoj si çdo kryetar tjetër.
Një kryetar është i një force apo i një force tjetër politike deri ditën që zgjidhet, unë besoj që pasi zgjidhet një kryetar është i të gjithë qytetit”,-deklaroi Mazniku.
Pavarësisht përplasjeve të forta mes mazhorancës dhe opozitës, 6 kryetarët demokratë te bashkive kanë marrë pjesë në takimet e kryeministrit Edi Rama për pushtetin vendor.