Prej mesditës të së mërkurës rajoni i Lezhës është përfshirë nga era e fortë e cila ka krijuar probleme me furnizimin me energji elektrike, kryesisht në fshatra. Si shkak i dëmtimit të linjave ka ngelur pa energji zona e Zadrimës dhe Bregu i Matës, raporton gazetari Elvis Hila.
Grupet e punës të operatorit të Shpërndarjes së Energjisë Elektrike në Lezhë, ndodhen në terren dhe po punojnë për riparimin e defekteve dhe rikthimin e energjisë.
Po ashtu nga era e fortë është kërkuar që mjetet e vogla të peshkimit të mos dalin në det, pasi dallgëzimi është i lartë dhe lundrimi përbën rrezik për ta.