Presidenti turk, Rexhep Tajip Erdogan lëshoi kërcënime të reja kundër popullit kurd, këtë herë në fjalimin e tij në kabinetin që u mblodh të hënën duke premtuar eliminimin e luftëtarëve të PKK-së. Duke deklaruar se një epokë e re ka filluar në rajon, Erdogan tha se kufijtë janë ngushtuar për Partinë e Punëtorëve të Kurdistanit dhe degët e saj në Siri.
“Ne nuk do të pranojmë shpërbërjen e Sirisë dhe shkatërrimin e strukturës së saj të unifikuar. Mund të vijmë befas natën”, paralajmëroi ai.
Erdogan shtoi se fati i vetëm që i pret ata që zgjedhin terrorizmin dhe dhunën është të varrosen pranë armëve.
Për çështjet e politikës së jashtme, presidenti turk tha se vendi i tij po bën çfarëdo që duhet për të hapur derën që do të ringjallë shpresat për paqen në Gaza. Ai shtoi se Ankaraja do të vazhdojë përpjekjet deri në arritjen e rezultateve për një shtet të pavarur, sovran dhe territorialisht të paprekur të Palestinës.