Historike, për herë të parë në Këshillin Bashkiak të Tiranës edhe një pjesëtar i Komunitetit rom

Për herë të parë, Këshilli Bashkiak i Tiranës do të ketë në përbërje të tij edhe një këshilltar që vjen nga radhët e komunitetit rom duke shënuar një moment historik. Sead Kazanxhiu, 37-vjeç, vjen nga Partia Socialiste dhe zëvendëson në këtë detyrë Besard Kadinë. Në fjalën e tij, Kazanxhiu u shpreh: “Ky është një moment historik. Bashkia e Tiranës është një parlament i vogël dhe nuk dua të jem i pari dhe i fundit. Dua që kjo rrugë të hapet dhe të përfshihen sa më shumë anëtarë të pakicave në Shqipërisë”, tha ai.