Ndonëse ka qenë një vit ku pagën nuk e ka marrë të plotë për shkak të qëndrimit të Partisë Demokratike për të bojkotuar veprimtarinë parlamentare, llogaria e ish-kryeministrit Berisha rritet.
Në raportin e siguruar nga tirananews.al rezulton se për vitin që lamë pas, ish-kryeministri ka shtuar në llogarinë e tij bankare 697 mijë lekë të reja.
Nga të ardhurat nga paga dhe shpërblimet në Kuvend Berisha ka marrë 1.3 mln lekë të rinj, ndërkohë që nga të ardhurat nga dietat e Kuvendit Berisha ka fituar 517 mijë lekë të rinj.
Ashtu sikurse Rama, edhe të ardhurat e bashkëshortes së Berishës kanë qenë në rritje. Në emër të saj janë shtuar në llogarinë bankare 1.15 mln lekë të rinj. Ndërkaq, ka shtuar edhe 128 mijë lek të reja dhe në një llogari të tretë ka shtuar 366 mijë lekë të rinj, raporton tirananews.al.
Bashkëshortja e tij, Liri Berisha ka marrë 367 mijë lekë nga pensioni . / tirananews.al
Lexo edhe: Presidenti shet shtëpinë, Kryemadhi më shumë të ardhura se Meta
Lexo edhe: Zbardhet pasuria e kryeparlamentarit Ruçi, vajza siguron 234 mln lekë fitim si notere
Lexo edhe: Zbardhet pasuria e Lulzim Bashës për 2018, kreu i PD jeton me paratë e gruas
