Ka reaguar Jetmir Shpuza pas lajmit se është kualifikuar në garën për drejtor i Radio Televizionit Shqiptar.
Ai shprehet në një postim në rrjetet sociale se ka marrë shumë mesazhe dhe urime dhe shton se ato i rrisin përgjegjësinë për ta përfunduar garën.
Shpuza shprehet se: “Jam markë RTSH-je, do ju mbështes dhe do t’ju falënderues gjithë jetën për fjalët e mira! Bashkë do ta ngremë RTSH-në aty ku duhet! I uroj suksese edhe zonjës Polo!”
Postimi i Shpuzës:
Lajmi i hedhur në faqen e Radiotelevizionit Shqiptar se jam kualifikuar si një ndër dy konkurentët finalë për t’u votuar për postin e drejtorit të përgjithshëm të RTSH-së dhe telefonata e mesazhet pa fund që po marr më rrisin përgjegjësinë për ta përfunduar garën me sukses!
E kam thënë edhe më përpara se RTSH-ja është shtëpi e dytë për mua. Falënderoj anëtarët e këshillit drejtues për besimin që më japin në vazhdimësi ! Falënderoj ata dhjetra e mos të them qindra punonjës të RTSH-së që më inkurajojnë! Fitoren e kemi më afër se kurrë!
Jam markë RTSH-je,do ju mbështes dhe do t’ju falënderues gjithë jetën për fjalët e mira! Bashkë do ta ngremë RTSH-në aty ku duhet! I uroj suksese edhe zonjës Polo! Bashkë mund të bëjmë gjithçka,të ndarë jemi të destinuar të dështojmë!