Një sasi prej 600 kg lëndë narkotike marijuanë që vinte nga Shqipëria ka sekuestruar policia e Malit të Zi. Sipas mediave vendase janë ndaluar dy persona nga Podgorica si pjesë e një organizate kriminale për trafikun e narkotikëve dhe shpërndarjen e drogës.
Ata akuzohen se gjatë 2017-tës nga Shqipëria drejt BE kanë trafikuar sasi të konsiderueshme kanabis. Policia malazeze ka të dyshuar dhe një person të tretë, i cili aktualisht ndodhet në burg. Një 30-vjeçar nga Podgorica është vënë në pranga pasi është kapur në flagrancë nga policia kufitare në vendin e quajtur Sutjel, në afërsi të lumit Buna në kufi me Shqipërinë.
Atij i janë sekuestruar një sasi prej 50 kg lëndë narkotike kanabis me qëllim shitjen në tregun e brendshëm. Vetëm një javë më parë policia malazeze po në të njëjtin vend ka sekuestruar 206 kg kanabis, e cila vinte nga Shqipëria.