Një ngjarje e rëndë ka tronditur Tiranën mbrëmjen e kësaj të shtune, ku babai ka vrarë me thikë djalin e tij.
Ngjarja ndodhi në rrugën “Ilia Shyti”, te Kodra e Priftit, në banesë, ku Hekuran Gjoni, rreth 74 vjeç, ka goditur me mjet prerës djalin e tij, shtetasin Asim Gjoni, 37 vjeç, i cili për pasojë ka humbur jetën në spital.
Menjëherë pas marrjes së njoftimit, shërbimet e Policisë kanë shoqëruar autorin në Komisariat për veprime të mëtejshme.
U bë me dije se të dy babë e bir kanë qenë të dehur, teksa në polici i moshuari ka pranuar se ka vrarë të birin.
‘Më datë 01.02.2025, rreth orës 18:50, tek Kodra e Priftit, në rrugën “Ilia Shyti”, në banesë, shtetasi H. Gj., rreth 74 vjeç, ka goditur me mjet prerës djalin e tij shtetasin A. Gj., 37 vjeç, i cili për pasojë ka humbur jetën në spital.
Menjëherë pas njoftimit të marrë për ngjarjen, shërbimet e Policisë kanë bërë shoqërimin e autorit në Komisariat për veprime të metejshme.‘, njofton policia.
Grupi hetimor po punon për sqarimin e rrethanave të ngjarjes.