Gjatë diskutimit me ndjekësit në rubrikën “Sy m’Sy”, kryeministri i Shqipërisë, Edi Rama u shpreh se të gjithë ata që kthehen nga jashtë dhe investojnë në fshat do të kenë shumë përfitime.
Ai theksoi se rruga europiane dhe konsolidimi i Shqipërisë po vijon me ritme të shpejta.
“Ata që kthehen me thënë të drejtën nuk iu del keq asnjëherë, sidomos atyre që investojnë në fshat. Në vazhdim do bëhet më shumë dhe më mirë. Do të ulemi në tryezën e BE dhe më në fund të gjithë shqiptarët do ta kenë një ulëse aty”, tha ai.