Lëvizja Vetëvendosje ka përmbyllur fushatën elektorale në Kosovë me një takim të madh në Prishtinë, ku mijëra qytetarë u mblodhën në mbështetje të Albin Kurtit dhe partisë së tij.
Zgjedhjet parlamentare në Kosovë do të mbahen të dielën, më 9 shkurt, ku 2,075,868 qytetarë brenda dhe jashtë vendit kanë të drejtë vote.
Procesi, i organizuar nga Komisioni Qendror i Zgjedhjeve, do të zhvillohet në 38 komuna dhe 941 qendra votimi, prej të cilave 38 do të jenë të dedikuara për votimin me kusht.