Video/ Dua Lipa e ftuar speciale në ‘amFAR Gala’, por fustani i shkakton “probleme’

Mbrëmjen e djeshme, Dua Lipa vodhi vëmendjen e të gjithë të pranishmëve në eventin ‘amFAR Gala’ me fustanin e saj madhështor në ngjyrë të kuqe dhe plot pupla. Këngëtarja shqiptare kishte zgjedhur fustan nga ‘Valentino Couture’ nga Pierpaolo Piccioli, por përveç faktit se ra në sy nga bukuria e saj, ajo gjithashtu shkaktoi pak ‘probleme’ në oborrin e Hotel du Cap me puplat e fustanit. Dua publikoi një video në ‘Instagram’ ku shfaqeshin punonjësit e hotelit, duke mbledhur puplat. “Duken shumë të lumtur me puplat e mia”, ka shkruar Dua me humor. Punonjësit e kanë vënë re këngëtaren, kështu që ia kanë kthyer me të qeshur. Dua ishte e ftuara e eventit, ku këndoi këngën e saj hit ‘New Rules’.