Pas bllokimeve të rrugëve muaj më parë, sot PD mban protestën e parë për këtë vit. Më herët protestat u thirrën në kuadër të “mosbindjes civile” dhe me disa kërkesa për kundërshtarët politikë.
Më 7 tetor 2024, demokratëve iu shtua edhe një arsye tjetër për të dalë në shesh, arrestimi i Ervin Salianjit. Në tubimin e 29 tetorit 2024, u bllokuan 6 akse nacionale (nga veriu në jug), ndryshe nga çdo organizim tjetër i kësaj natyre. E në fakt, kjo lloj forme proteste në formë më të zgjeruar vijoi edhe më vonë.
Më 23 dhjetor 2024, u bllokuan 5 kryqëzime në Tiranë. E fundit protestë për vitin e shkuar dhe mbase më e rëndësishmja, pasi në mesin e demokratëve ishte edhe Berisha.