Një fëmijë 9-vjeç ka humbur jetën, pasi mbi të ra një dollap në shkollë. Ngjarja ka ndodhur në Angli, ku vogëlushi po ndiqte një klub noti pas mësimit.
Ai u dërgua menjëherë në spital, por nuk arriti t’i mbijetonte plagëve të marra. Sipas policisë, ata kishin shkuar menjëherë pasi ishin thirrur nga stafi i shkollës dhe kishin gjetur të miturin të ngecur poshtë dollapit.
Ata sqaruan se djali mund të jetë ngjitur mbi dollap, i cili më pas ka rënë duke bllokuar edhe 9-vjeçarin nën të.