Dy nxënës janë zënë me njëri-tjetrin në shkollën “Gjergj Kastrioti” në Baz të Matit.
Gjatë sherrit, njëri ka goditur me thikë shokun, i cili është transportuar në Spitalin e Burrelit.
Mat
Dyshohet se plagosi me mjet prerës një 17-vjeçar, Policia identifikon dhe shoqëron autorin e dyshuar.
Sot, rreth orës 10.30, në ambientin sportiv të shkollës së mesme në fshatin Baz, dyshohet se gjatë një konflikti te castit për motive të dobëta, shtetasi D.L., 19 vjeç, ka goditur me mjet prerës një 17-vjeçar, i cili është transportuar në spitalin civil për ndihmë mjekësore ku sipas kontaktit me ekipin mjekesor ndodhet jashtë rrezikut për jetën.
Falë veprimeve të shpejta dhe reagimit të menjëhershëm, shërbimet e Komisariatit të Policisë Mat bënë të mundur kapjen dhe shoqërimin në Komisariat të autorit të dyshuar të ngjarjes, shtetasin D.L.
Gjatë veprimeve lidhur me këtë ngjarje, u gjet dhe u sekuestrua në cilësinë e provës materiale mjeti prerës që dyshohet se është përdorur gjatë konfliktit.
Grupi hetimor, nën drejtimin e Prokurorisë, vijon veprimet hetimore për të sqaruar rrethanat dhe dinamikën e plotë të ngjarjes.