Zv/kryeministrja, njëherësh Ministër i Infrastrukturës dhe Energjisë, Belinda Balluku këtë të mërkurë pati një inspektim tek nënstacioni elektrik Tirana 1. Në një postim në facebook, Balluku shkruan se kjo ndërhyrje përmirëson cilësinë e furnizimit me energji për afro 25 mijë banorë dhe biznese të kryeqytetit.
”Drejt përfundimit punimet për rinkonstruksionin dhe fuqizimin e nënstacionit elektrik Tirana 1, pranë Zogut të Zi.
Një ndërhyrje, e cila rrit kapacitetet shpërndarëse dhe sigurinë, ul humbjet, si dhe përmirëson cilësinë e furnizimit me energji për afro 25 mijë banorë dhe biznese të kryeqytetit.
Po investojmë kudo në Shqipëri për të modernizuar sistemin tonë energjetik, rritur standardin dhe përmirësuar cilësinë e shërbimit ndaj qytetarëve”,-shkruan Balluku.