Këtë të diel, Sali Berisha është në Athinë për takim elektoral me diasporën shqiptare në Greqi. Në krah të kreut të PD-së ishte dhe eurodeputeti i partisë greke Nea Demokracia, Fredi Beleri.
Ish kandidati i Berishës për zgjedhjet e Himarës në 2023, po bën fushatë në Greqi për opozitën e Berishës dhe Metës, të cilët e kandiduan si kryebashkiak në majin e 2023-shit. Përveç Belerit, krah Berishës ishin dhe Flamur Noka, Agron Gjekmarkaj por edhe kreu i PBDNJ, Vangjel Dule.
Ndërkohë fjalim mbajti edhe Petro Gjikuria, i cili kandidoi në Himarë për kryebashkiak në siglën e PD-së në gusht të 2024-ës, pas vakancës së krijuar nga dorëheqja e socialistit Jorgo Goro.