Kreu i PD Sali Berisha ka deklaruar se “Made in Albania” do të jetë motoja e krenarisë së shqiptarëve, pas zgjedhjeve të 11 majit.
Gjatë një deklarate për mediat, Berisha ka theksuar se ekonomia do të jetë në epiqendër të programit të ri dhe se në piedestal do të vendoset Shqipëria që prodhon, ndërsa ka theksuar se Shqipëria e taksave të ulëta do të jetë një faktor kyç në shndërrimin e “Made in Albania” në moton e begatimit të shqiptarëve.
Sali Berisha: Made in Albania, do të jetë motoja e krenarisë së shqiptarëve, etiketa e prodhimit në Shqipëri do të përbëjë moton e betejës së krenarisë së shqiptarëve. Duke vendosur në epiqendër të programit tonë ekonominë, ne rikthehemi me fuqinë më të madhe për të vendosur në piedestal Shqipërinë që prodhon. Ata që dëgjojnë me skepticizëm këto fjalë, i kujtoj punën e bërë nga PD. Atyre që thonë se Made in Albania do të jetë krenaria kombëtare, u kujtojmë se jemi ne që rritëm me 320 përqind eksportet.
Shqipëria e taksave të ulëta, faktor që shndërron Made in Albania në moton e begatimit të shqiptarëve.