Goditet një grup kriminal, i cili merrej me shitjen e dozave të kokainës, në Divjakë. Policia thekson se tre perona janë arrestuar, mes tyre 2 vëllezër bashkëorganizatorë të grupit dhe 1 pjesëtar i grupit.
Po ashtu janë shoqëruar mbi dyshime për pjesëmarrje në këtë grup, 10 shtetas të tjerë.
Sakaq, janë sekuestruar dhjetëra doza kokaine, 3 armë gjahu, 1 armë sportive, 1 armë e ftohtë, municion luftarak, 2 peshore elektronike dhe shuma parash në euro dhe lekë të përfituara nga shitja e dozave.
Nën drejtimin e Prokurorisë, vijojnë hetimet për të individualizuar përgjegjësinë penale të 10 shtetasve të shoqëruar, si dhe për të identifikuar dhe nxjerrë përpara përgjegjësisë penale, të gjithë pjesëtarët e grupit.