Kryeministri Edi Rama e cilësoi një simptomë lajthitjeje thirrjen drejtuar nxënësve të shkollave dhe prindërve. Kjo nga ana e Berishës që të dalin në një protestë më 15 mars për mbylljen e rrjetit social TikTok.
Kreu i qeverisë sqaron se vendimi për mbylljen e TikTok nuk është akt censure. Për të ky rrjet social do të qëndrojë i mbyllur deri sa kompania të prezantojë planin e detajuar të masave shtesë të sigurisë që ka premtuar gjatë dialogut me autoritetet.
”Bufi iu bën thirrje fëmijëve të mos shkojnë në shkollë për TikTok. Kjo është këneta dhe filozofia e saj deri sa të ketë bufin. 95% e prindërve dhe mësuesve na thanë mbyllni TikTok një orë e më parë. Ne u futëm në një dialog me kompaninë dhe presim planin e saj për masat e shtuara të sigurisë. Arsyeja se përse vendimi i mor para një jave ka të bëjë me kapacitetet teknike. Apeli i bufit që fëmijët të mos shkojnë në shkollë duhet marrë seriozisht si një simptomë lajthitjeje të rrezikshme çka të bën të qeshësh të shohësh këto karavidhe”.