GJKKO dënon ish-deputetin socialist, Alqi Bllako me 4 vite burgim. Vendimi konvertohet me 2 vite e 8 muaj me gjykim të shkurtër dhe dënim plotësues 5 vite heqje e të drejtës së ushtrimit të funksioneve publike.
Bllako u mor i pandehur nga SPAK në nëntor të vitit të shkuar. Prokuroria e Posaçme kërkoi 5 vite heqje lirie dhe 5 vite jashtë funksioneve publike, për “korrupsion pasiv të funksionarëve të lartë shtetërorë”.
Sipas SPAK Bllako ka përfituar 119 mijë euro për pajisje për kompaninë e babait të tij. Kjo e fundit, është kompania që ka fituar koncesionin për ndërtimin e inceneratorit të Tiranës.